Tagiwyd fel: haciaith Toglu Trafodaethau mewn Sylwadau | Bysellau Brys

  • Sioned Mills 3:02 PM ar 6 March 2015 Dolen Barhaol
    Tagiau: haciaith, , ,   

    Haclediad 42 – Minilediad Haciaith 2015 

    Rhifyn byr a bachog o’r Haclediad sydd i’w gael y mis hwn, wedi i’r ffliw daro Iestyn, bydd Bryn a Sioned yn mentro i gwblhau podlediad mewn amser record Byd! Bydd sôn am Haciaith ’15 ym Mangor a llwyth o fwydro amserol technolegol – mwynhewch!

     
  • Gareth Morlais 12:21 PM ar 27 November 2014 Dolen Barhaol
    Tagiau: , haciaith, ,   

    Ar agor: Cynllun Grant Technoleg a Chyfryngau Digidol Cymraeg 2015-16 

    Llun o Raspberry Pi gan Jan Grosser

    Llun o Raspberry Pi gan Jan Grosser

    Mae’r Grant Technoleg a Chyfryngau Digidol Cymraeg 2015-2016 Llywodraeth Cymru  ar agor i geisiadau rhwng nawr a’r 30ain o Ionawr 2015.

    Mae’r grantiau yn cefnogi amcanion y cynllun gweithredu Technoleg a chyfryngau digidol Cymraeg.

    Pwrpas y cynllun gweithredu yw annog gweithgareddau sy’n hybu ac yn hwyluso’r defnydd o’r Gymraeg trwy dechnoleg a chyfryngau digidol. Prif ffocws y grant fydd cefnogi gweithgareddau sy’n:

    • codi ymwybyddiaeth o, neu hybu’r defnydd o feddalwedd, aps, gwasanaethau ar-lein, a theclynnau creu cynnwys Cymraeg – a chynnwys digidol Cymraeg.
    • cefnogi datblygiad meddalwedd a gwasanaethau digidol Cymraeg
      ar-lein
    • cynyddu faint o gynnwys Cymraeg sydd ar gael ar-lein.

    Croesawir ceisiadau gan gyrff o’r trydydd sector, y sector breifat a’r sector gyhoeddus ar gyfer gweithgareddau nad ydynt yn ddarostyngedig i’w Cynlluniau Iaith Gymraeg statudol.

    Gweithgareddau cymwys

    Dyma rai o’r gweithgareddau sy’n gymwys i’w hariannu dan y cynllun:

    • Datblygu gwasanaethau rhyngweithiol Cymraeg ar-lein newydd;
    • Yr isadeiledd digidol sydd ei angen er mwyn rhoi sylfaen i’r Gymraeg yn y maes digidol. E.e. llais i destun a deallusrwydd artiffisial;
    • Mapiau rhyngweithiol yn y Gymraeg lle gellir mewnosod mapiau gyda labeli ac enwau llefydd Cymraeg ar dudalennau we;
    • Prosiectau i gynyddu faint o gynnwys digidol yn y Gymraeg sydd ar gael ar-lein. Mae cynigion cynnwys sy’n ysbrydoli eraill i gyfrannu ac ehangu ar y cynnwys yn debygol o sgorio’n uwch na phrosiectau sy’n cyflwyno cynnwys gorffenedig;
    • Mentrau hyfforddi a chyrsiau codio, gan gynnwys hyfforddiant ar gyfer pobl ifanc;
    • Mentrau i godi ymwybyddiaeth a hybu’r defnydd o feddalwedd, cynhyrchion seilwaith, cymwysiadau, gwasanaethau ar-lein, ac offer creu cynnwys Cymraeg – a chynnwys Cymraeg digidol;
    • System rheoli digwyddiadau ar lein a all hwyluso’r broses o drefnu digwyddiad, gwahodd/dosbarthu tocynnau a hyrwyddo’r digwyddiad ar draws y cyfryngau cymdeithasol;
    • Cleient Twitter Cymraeg ar gyfer cyfrifiaduron llechen a ffonau clyfar;
    • Teclyn torfoli trosiadau rhyngwyneb sy’n hwyluso defnydd termau safonol ar gyfer labelu botymau a negeseuon yn y porwr;
    • Ap treiglo;
    • Ategion/widgets Cymraeg ar gyfer gwasanaethau blogio a datblygu gwefannau;
    • Systemau gweithredu dwyieithog megis systemau adnoddau dynol a systemau cyllid;
    • Unrhyw weithgareddau eraill fyddai’n cyfrannu at gyflawni’r amcanion a gyflwynwyd yng Nghynllun Gweithredu Technoleg a Chyfryngau Digidol Cymraeg Llywodraeth Cymru, ac a fyddai’n addas i dderbyn grant.

     Am fwy o wybodaeth am y grant, yn cynnwys y ffurflen gais a’r canllawiau a meini prawf:

    http://cymru.gov.uk/techcy

     

     
  • Sioned Mills 10:39 AM ar 2 October 2014 Dolen Barhaol
    Tagiau: haciaith, , ,   

    Haclediad #40 — Bywyd yn dechrau yn Ddeugain! 

    Ydan, ry’n ni wedi cyrraedd 40 rhifyn o’r Haclediad — diolch am sticio efo ni! Yn y bennod hyd-yn-oed-llai-ffurfiol nac arfer bydd Bryn, Iestyn a Sioned yn dathlu pedair blynedd o’u hoff dechnoleg, DDIM yn trafod ‘bendgate’ yr iPhone 6 a thrio deall os yw Windows wedi anghofio sut i gyfri wrth fynd yn syth o Windows 8 i Windows 10. Diolch am wrando am y 40 rhifyn diwethaf giang, allwn ni’m gwneud o heboch chi!

    Dolenni

     
  • Sioned Mills 4:38 PM ar 5 September 2014 Dolen Barhaol
    Tagiau: haciaith, , ,   

    Haclediad #39 – Cacen Sali Mali, Hack(en) Bryn Salisbury a mwy o Nest Test Iest 

    Croeso i rifyn 39 (bron y 4-0 fawr) o’r Haclediad – byddwn ni’n trafod syniadau Cymdeithas yr Iaith am ariannu darlledwr amlgyfrwng newydd i Gymru, e-lyfrau plant Cymraeg yn dod i iBooks, Bryn yn hacio weiars a checkio nôl mewn gyda system reoli tŷ Iestyn wrth i’r tywydd oeri. Joiwch, a chofiwch, sdim sôn am NATO, llongau rhyfel ym Mae Caerdydd na Hofrenyddion Tony Stark-aidd yn y rhifyn yma, ffiw!

    Doleni

     
  • Sioned Mills 1:57 PM ar 1 May 2014 Dolen Barhaol
    Tagiau: haciaith, , ,   

    Haclediad #36: Yr un hwyrach na Office i’r iPad 

    Ar rifyn yma’r haclediad bydd y criw yn cadw’u pennau yn y cymylau – wrth rêtio a slêtio systemau gweithio cwmwl rhai o’r cwmnïau mwyaf allan yna. Gyda Microsoft Office yn cyrraedd yr iPad (o’r diwedd), pa ddewisiadau arall sy’na i drefnu’ch taenlenni marwolaethau Game of Thrones? Byddwn yn sbecian ar sefyllfa Facebook yn prynu Occulus Rift (ar ôl i hwnnw godi ffortiwn trwy ariannu torfol, wps), a’r Iest Test tro yma yw’r system rheoli cartref Nest, jyst achos ei fod yn odli.

    Mwynhewch

    O.N. — Mi recordwyd hwn wythnosau yn ôl, a nid yw Gafyn wedi bod yn agos ato, felly ymddiheuriadau am yr ansawdd a’r amser gymerwyd i’w ddarlledu.

     
  • Sioned Mills 1:58 PM ar 21 February 2014 Dolen Barhaol
    Tagiau: haciaith, , ,   

    Haclediad #35: Yr un byw o Hacio’r Iaith 2014 

    Rhifyn byw o ddigwyddiad Hacio’r Iaith ym Mangor – gyda cyfweliadau am Cymru Byw (gwasanaeth newydd blogio byw y BBC) ac am holl stwff newydd data’r Llyfrgell Genedlaethol. Mae digon o sgwrsio am fore’r digwyddiad hefyd, mwynhewch!

    *Dolenni i ddod…

     
  • Sioned Mills 9:58 AM ar 10 February 2014 Dolen Barhaol
    Tagiau: haciaith, , ,   

    Haclediad #34: Youview, nhw-view a Haciaith 2014 

    Ar y rhifyn cyn-Haciaith 2014 yma bydd y Iestyn, Bryn a Sioned yn rhoi croeso gwresog i S4C i blatfform Youview; croeso a rhybydd i CEO newydd Microsoft, ac wrth gwrs cyffroi’n wirion cyn digwyddiad byw Hacio’r Iaith 2014 ym Mangor ar Chwefror y 15fed… welwn ni chi yno!

    Dolenni

     
  • Rhodri ap Dyfrig 2:33 PM ar 16 January 2014 Dolen Barhaol
    Tagiau: , haciaith   

    Heb fod i Hacio’r Iaith ac isio gwybod beth i’w ddisgwyl? Dyma flas i chi… 

    Fideo gan Aled Mills o Hacio’r Iaith 2012

     
  • Sioned Mills 1:14 PM ar 9 December 2013 Dolen Barhaol
    Tagiau: haciaith, , ,   

    Haclediad #33: Ho-ho-haclediad 

    Croeso i rifyn Nadolig yr Haclediad!

    Byddwn ni’n rhoi sbin tymhorol ar newyddion y mis – Grantiau technoleg y Cynulliad, gêm Gymraeg ar Steam, brwydro’r Xbox vs PS4 a llawer mwy. Bydd Bryn yn deud ei jôcs gorau ac yn awgrymu gemau bwrdd (www hw!), Iestyn yn rhedeg allan o wisgi a Sioned yn trio cadw’r rhestr ‘Dolig lawr o dan £10,000 am unwaith. Hyn oll a mwy yn eich rhifyn Nadoligaidd sgleiniog o’r Ho-ho-haclediad!

     
    • Rhodri 3:33 PM ar 10 Rhagfyr 2013 Dolen Barhaol

      Diolch yn fawr am y mensh Hacledwyr! Mor falch o gael y cyfle i ddatblygu hwn gyda CodeSyntax. Dwi’n gyffrous iawn i weld o’n datblygu. Ydi, mae’r prosiect newydd (enw cyn hir!) yn esblygiad o arbrawf Umap Cymraeg, ond yn cynnwys mwy o ffocws ar gynnwys gorau a mwyaf poblogaidd y dydd. Bydd o hefyd efo blas llai robotaidd na Umap a’n cynnig llwyfan newydd i erthyglau gan leisiau newydd sy’n sgwennu am ddiwylliant gwe yn Gymraeg. Bydd yn lansio yn y Gwanwyn cynnar!

      Ma’r syniad o addasu fo i fod yn gleient yn un diddorol ond well i ni gael y sylfeini’n iawn gynta! Isio gwneud yn siwr bod y gwerth gorau yn cael ei wasgu allan o Twitter ar gyfer defnyddwyr Cymraeg ydan ni i ddechrau a’n bod ni’n cryfhau’r defnydd o’r iaith ar y cyfrwng. Dwi’n sicr y bydd yn gallu gwneud cyfraniad mawr at hynna.

  • Sioned Mills 1:19 PM ar 8 October 2013 Dolen Barhaol
    Tagiau: haciaith, , ,   

    Haclediad #32: Pwdin Mwyar duon ac iOS7 Afal 

    Yn Haclediad 32 bydd Iestyn, Sioned a Bryn yn trafod gwerthu cwmni Blackberry am llai na mae Apple yn neud mewn blwyddyn, update diweddaraf iFfôn a Bryn yn ymuno â byd Android. Wrth gwrs bydd hefyd y cyfuniad gorau o sgwrs a nonsans i’ch clustiau – mwynhewch!

     
c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
esc
cancel