Hacio'r Iaith

Tagiwyd fel: haclediad RSS Toglu Trafodaethau mewn Sylwadau | Bysellau Brys

• 

  Sioned Mills 10:53 AM ar 7 February 2012 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #17 – Yr Un Byw o Hacio’r Iaith 2012 

  Dyma recordiad byw Haclediad #17, o flaen cynulleidfa eiddgar yn Hacio’r Iaith 2012.

  Bydd Bryn, Iestyn a Sioned yn taclo SOPA bill yr Unol Daleithiau, Twitter yn sensro cynnwys am y tro cyntaf, blogiau Cymraeg, cwestiynau’r  gynulleidfa, memes arlein ac yna’n darganfod un o raglenni coll Sci-Fi Cymru yn y broses!

  

  I ddilyn Hashtags y sgwrs a gweld y cwestiynau ddaeth mewn ewch i Storify Bryn

  A dyma hi fideo’r Haclediad (os da chi am weld ein wepiau ni).

  Recordiwyd ar 28ain o Ionawr.

  Haclediad #17 - Yr Un Byw o Hacio'r Iaith 2012 [ 43:29 ] Download
   

  Ymateb Diddymu ateb

  Mae'r meysydd gofynnol yn cael eu marcio *

  Enw *

  E-bost *

  Gwefan

  

• 

  Rhodri ap Dyfrig 2:50 PM ar 1 February 2012 Dolen Barhaol | Ymateb
  Tagiau: fideo ( 22 ), haciaith ( 51 ), haclediad   

  Fideo: Hacio’r Iaith 2012 – Yr Haclediad 

  Mwy i ddod ar y Sianel Vimeo Haciaith

  Rhodri ap Dyfrig, ac Carl Morrisyn trafod. Toglu Sylwadau

   
  • 

    Carl Morris 3:11 PM ar 1 Chwefror 2012 Dolen Barhaol

    Gwychder. Diolch.

    Ydy’r sianel ar gyfer Hacio’r Iaith yn gyffredinol neu 2012 yn unig?

  • 

    Rhodri ap Dyfrig 3:28 PM ar 1 Chwefror 2012 Dolen Barhaol

    2012 yn unig oedd y bwriad. Meddwl ei bod hi’n well cadw nhw gyd gyda’u gilydd yn hytrach na chymysgu popeth haciaith. Digon hawdd creu sianel arall sydd yn casglu popeth.

• 

  Sioned Mills 2:22 PM ar 9 January 2012 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #16 Yr Un Sâl! 

  Croeso i Haclediad #16: Yr Un Sâl! Ar ddechrau 2012 byddwn ni yn trio ymladd y ffliw ac yn dod â thameidiau blasus y flwyddyn a fu a’r flwyddyn i ddod i’ch clustiau! Byddwn yn trafod y tech gorau o 2011, ac yn darogan pa ddyfeisiau neu gwmnïau bydd yn ffarwelio â ni yn 2012. Byddwn hefyd yn dechrau ar ymgyrch gwrth-#halfarsedWales yn y gobaith o weld dylunio gwych o Gymru. Ac wrth gwrs, byddwn yn edrych mlaen yn arw am Hacio’r Iaith 2012 ar y 27ain a’r 28ain o Ionawr, welwn ni chi yno!

  Dolenni

  • The Guardian ar yr iPad
  • SnapSeed App
  • TuneIn Radio App
  • Ap Golwg
  • Yudu – Y technoleg y tu ôl i Ap Golwg
  • Adobe Digital Publishing Suite
  • RIM mewn trwbl
  • Nintendo mewn trwbl?
  • How to bring good design to a platform

  Standard Podcast [ 1:00:19 ] Download

  Rhodri ap Dyfrigyn trafod. Toglu Sylwadau

   
  • 

    Rhodri ap Dyfrig 5:37 PM ar 9 Ionawr 2012 Dolen Barhaol

    Ella bod y criw yn sâl ond ma’r drafodaeth yn wych, fel arfer. Ma na drafodaeth bwysig yma am be di’n disgwyliadau ni ar gyfer safon deunydd Cymraeg ac ydan ni’n ddigon gonest am bethau Cymraeg sydd ddim yn ddigon da.

    O ran ap Golwg, dwi heb ei lawrlwytho achos da ni’n talu am y cylchgrawn print bob wythnos a fasa’n rhaid talu’r un pris eto am yr un peth ar yr ap. Dwi hefyd methu diodda darllen cylchgronnau arlein lle ma raid zoomio mewn ac allan i pdf, a throi tudalen. Urgh. Dwisio hyperlinks!

    Yr unig adeg efallai y gallwn i ragweld ei ddefnyddio ydi i ddarllen un rhifyn mewn argyfwng os di pob siop bapur newydd yn cau yn Aberystwyth! Ma’n biti nad ydyn nhw wedi trio fformatio’r cylchgrawn ar ffurf Flipboard-aidd. Rhaid cyfaddef, mod i jest isio Golwg360 mewn fformat symudol gwell neu ar ffurf app.

    [Cynlluniau ar y gweill am ailgynllunio Ap Cyw! Woo! Iei!]

• 

  Sioned Mills 9:30 AM ar 20 December 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad 15.5 – Yr Iest Test: Adroddiad Digidol S4C 

  Anrheg Nadolig cynnar i chi Hacledffans, dyma ein hasesiad ni o adroddiad Panel Digidol S4C – Cofleidio’r Dyfodol. Mae Rhodri ap Dyfrig (@nwdls), aelod o’r panel yn mynd a ni trwy’r adroddiad, a be mae’n meddwl i ni ddefnyddwyr gwasanaethau S4C. Bydd Iestyn yn rhoi’r adroddiad i’r Iest Test, gwrandewch i glywed y ddyfarniad.

  Nadolig Llawen iawn hefyd i chi gyd sy’n gwrando, a diolch mahwsif i chi am wneud. Ymlaen i Hacio’r Iaith 2012!

  Standard Podcast [ 49:19 ] Download
   
• 

  Sioned Mills 3:31 PM ar 5 December 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #15 – Yr un Gaeafol 

  Croeso i rifyn gaeafol, lled-Nadoligaidd diweddaraf yr Haclediad! Tro hwn bydd Bryn (@Bryns), Iestyn (@Iestynx) a Sioned (@llef) yn trafod Rasberry Pi – y cyfrifiadur bach haciol i blant (neu ni oedolion!) ddysgu rhaglennu, adroddiad Cofleidio’r Dyfodol am ddyfodol digidol S4C; y rhwydwaith cymdeithasol newydd Path ac wrth gwrs Hacio’r Iaith 2012 (Aberystwyth 27 a 28 Ionawr, dewch yn llu!). Gobeithio gwnewch chi fwynhau, ac os na, dangoswch eich rhesymu yma!

  Dolenni

  • Swyddi cynnwys Digidol yn S4C Adroddiad “Cofleidio’r Dyfodol”
  • Raspberry Pi
  • Spotify – API newydd wp di dw?
  • Path
  • Hacio’r Iaith 2012!

  Haclediad #15 - Yr un Gaeafol [ 55:50 ] Download
   
• 

  Sioned Mills 10:15 AM ar 7 November 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #14 – Mae’n dda i ddarllen (e-lyfrau hynny yw) 

  Croeso i Haclediad #14 – Mae’n dda i ddarllen (e-lyfrau hynny yw), y rhifyn cyntaf gyda chyfweliad gyda pherson go iawn! Yn ymuno gyda Sioned, Bryn ac Iestyn mae Garmon Gruffydd o gyhoeddwyr Y Lolfa, gyda’u gobeithion a chynlluniau nhw ar gyfer cyhoeddi e-lyfrau yn y Gymraeg. Byddwn yna yn trafod lle mae hyn yn gadael gobeithion rhai am gyhoeddi agored Cymreig ar-lein, ond nid sioe llyfrau yn unig fydd hi peidiwch poeni! Mae’r Nokia Lumia 800 yn ein temtio, ynghyd â’r newyddion gwych am brosiect Radio’r Cymry a’n plyg traddodiadol i Hacio’r Iaith ym mis Ionawr, joiwch!

  Dolenni

  • Nokia Lumia 800
  • Pwy sy’n rheoli’r cyfryngau yn y 21ain ganrif?
  • Coelcerth Kindles
  • E-lyfrau 2011, recordiadau 2004
  • Radio’r Cymry

  Haclediad #14 - Mae'n dda i ddarllen (e-lyfrau hynny yw) [ 1:09:39 ] Download
   
• 

  Sioned Mills 11:53 AM ar 7 October 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #13 – Tân ac Afalau 

  Gyda Apple yn dod a’r iPhone 4S i’r byd ac Amazon yn cynnau’r Kindle Fire, mae’n frwydr y ffanbois yn rhifyn hwn yr Haclediad. Yn symud ‘mlaen o’r Kindle Fire, byddwn yn trafod sefyllfa siomedig e-lyfrau Cymru, awgrymiadau fforwm cyfryngau newydd S4C a’r newyddion gwych am Hacio’r Iaith 2012. Anghofion ni sôn am Facebook newydd, ond s’neb yn poeni am hynna, ‘ni gyd yn trio gadael beth bynnag!

  Dolenni

  • Siri iPhone 4S
  • Introducing Voice Actions for Android
  • Kindle Fire
  • eLyfrau y Lolfa
  • S4C fforwm cyfryngaun newydd
  • Hacio’r Iaith 2012

  Haclediad #13 - Tân ac Afalau [ 1:00:18 ] Download
   
• 

  Rhodri ap Dyfrig 1:32 PM ar 6 September 2011 Dolen Barhaol | Ymateb
  Tagiau: cynhadledd ( 4 ), Hacio'r Iaith ( 11 ), haclediad   

  Bonus Haclediad! Fideo o’r Haclediad a recordiwyd yn Hacio’r Iaith 2011 

  Carl Morrisyn trafod. Toglu Sylwadau

   
  • 

    Carl Morris 1:44 PM ar 6 Medi 2011 Dolen Barhaol

    Waw, fel ddoe. Diolch!

• 

  Sioned Mills 12:20 PM ar 6 September 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #12 – Y Byd Post-PC (feat. Bryn Blin) 

  Wedi hir ymaros, dyma gwblhau set o ddwsin i chi efo Haclediad #12 – Y Byd Post-PC. Gwyliwch allan am deimladau cryf iawn yn yr Haclediad tanbeidiaf hyd yn hyn! Yn y rhifyn hwn byddwn ni’n trafod ymddiswyddiad Steve Jobs o’i safle fel CEO Apple Inc, creu cwmni Googorola wrth i Google brynu Motorola ac ymadawiad HP o’r farchnad cyfrifiaduron cartref.

  Be’ mae hyn i gyd yn meddwl i ni fel defnyddwyr, ydan ni wirioneddol mewn byd ‘post-pc’? Da ni’n sicr mewn byd post-papur serch hynny, ond ydi Cymru yn syrthio ymhellach tu ôl iddi, gyda phroblemau Y Lolfa yn cyhoeddi e-lyfrau, a’r prinder o aps i Blant Cymru? Gewch chi glywed y cyfan efo ni yma ar Haclediad #12!

  Mwynhewch!

  Sioned (@llef), Bryn (@Bryns) ac Iestyn (@Iestynx)

  Haclediad #12 - Y Byd Post-PC [ 51:14 ] Download

  Carl Morris, ac Rhodri ap Dyfrigyn trafod. Toglu Sylwadau

   
  • 

    Carl Morris 2:56 PM ar 6 Medi 2011 Dolen Barhaol

    Post-PC efallai ond gobeithio fyddan ni ddim yn symud i’r oes post-rhyddid.

    Does dim diddordeb gyda fi yn unrhyw ‘ecosystem’ dan gwmni – Apple, Facebook, neb.

    Dw i wir yn meddwl bod mwy o arloesedd gyda safonai agored yn hytrach na unrhyw eco$y$tem.

    Sgwrs dda, diolch!

  • 

    Rhodri ap Dyfrig 11:10 PM ar 6 Medi 2011 Dolen Barhaol

    Haclediad controfyrsial!

    Ma na un ffordd hawdd o gael Cymdeithas yr Iaith i ddechrau ymgyrch i gael y Gymraeg ar Kindles, apps ac ym mhob parth digidol…ymaelodi, cymryd rhan a dylanwadu. Cymdeithas o bobol ydi hi nid ymgorfforiad o Ffred Ffransis (JÔC, Ffred!). Wir wan, dwi’n siwr fasa nhw’n falch iawn o gael arbenigedd y tri ohonoch chi, neu gefnogi unrhyw ymgyrch da chi isio cychwyn drwy Haciaith. Un ffordd sydd na o newid petha, trio newid o dy hun.

    A “teledu ddim yn bwysig rhagor”? Na’i roi PFFFT masif i hynna! Isio bach o reality check ar y tech-iwtopiaeth yna dwi’n meddwl. Ers pryd mae un cyfrwng erioed wedi disodli’r llall? Arian hysbysbu teledu neu’r drwydded deledu sydd yn gyrru nifer fawr o fentrau gwe ym Mhrydain a’n cynhyrchu llawer o’r arloesedd gorau. Ma teledu, radio, a mastiau darlledu, am fod efo ni am amser hir i ddod.

    O ran e-lyfrau Cymraeg: mi faswn i’n rhoi’r bai yn sgwâr ar ysgwyddau’r Cyngor Llyfrau Cymraeg. Nhw sydd yn ariannu cyhoeddi yng Nghymru, nhw sydd yn gallu gosod yr agenda, nhw sydd yn gallu gwneud yn siwr bod e-lyfrau allan na pan fo’r farchnad yn datblygu a lle nad oes modd gwneud elw ar werthiant e-lyfr. Lle maen *nhw*? Mae cyhoeddwyr yn gorfod ceisio ffeindio ffordd eu hunain o ddatblygu a chwarae teg i’r Lolfa am drio faswn i’n deud. Oes disgwyl i un cyhoeddwr fentro, a gwneud colled ar e-lyfrau, heb gefenogaeth y corff sydd i fod i gefnogi’r diwydiant cyhoeddi.

    Joio’r un yma LOT bois. Ella ddylia ni drio gwylltio Bryn ym amlach

  • 

    Carl Morris 4:31 PM ar 7 Medi 2011 Dolen Barhaol

    y cyfrifiadur siopa – erthygl berthnasol http://www.theregister.co.uk/2011/09/07/amazon_tablet_android_masochism/

• 

  Sioned Mills 3:27 PM ar 28 July 2011 Dolen Barhaol | Ymateb
  Tagiau: haciaith ( 51 ), haclediad, podcast ( 16 ), podlediad ( 22 )   

  Haclediad #11 – Y Llew yr Afal a’r Cwmwl 

  Mae Haclediad 11 yma i chi wrando arno ar yn eich carafan, adlen neu westy moethus ym mro’r Eisteddfod! Yn y rhifyn hwn byddwn yn trafod OS X – Lion ar  y Mac, yr aps diweddaraf Cymraeg (ond yn hepgor update newydd iSdeddfod gan griw Fo a Fe, sori bois!), dyfodiad a thyfiant Google+ a gweledigaeth y buddsoddwr Roger McNamee ar sut bydd yr haenen gymdeithasol ac HTML5 yn newid sut ‘da ni’n defnyddio’r we am byth.

  I chi sy’n mynd i’r Eisteddfod, bydd Hacio’r Iaith Bach yno ar y maes, ewch draw i babell Prifysgol Aberystwyth ddydd Llun i gwrdd â Rhodri @Nwdls Ap Dyfrig a’r criw.

  Mwynhewch!

  Sioned (@llef), Bryn (@Bryns) ac Iestyn (@Iestynx)

  Haclediad #11 - Y Llew yr Afal a'r Cwmwl [ 1:03:11 ] Download

  cariad@iaith:love4languageyn trafod. Toglu Sylwadau

   
  • 

    cariad@iaith:love4language 9:59 AM ar 29 Gorffennaf 2011 Dolen Barhaol

    Diolch! Lyfli!