Diweddariadau Diweddar Tudalen 2 Toglu Trafodaethau mewn Sylwadau | Bysellau Brys

  • Carl Morris 2:04 PM ar 18 April 2016 Dolen Barhaol
    Tagiau: ,   

    Nominet yn gofyn am atebion wrth ddefnyddwyr yng Nghymru 

    Nominet yw’r corff sy’n rheoleiddio’r enwau parth .cymru a .wales.

    Maent yn cynnal ymchwil ar yr enwau parth .cymru a .wales ac wedi gofyn i mi rannu arolwg byr o ymwelwyr â gwefan Hacio’r Iaith ar ei rhan.

    Mae cyfle i roi adborth iddynt yma:

    http://bit.ly/arolwgnominet2016

    Os ydych chi’n llenwi’r arolwg byr hwn mi fydd yn helpu Nominet i wella ei gwaith.

    Dylai fe gymryd dau neu dri munud ar y mwyaf.

     
  • Sioned Mills 5:26 PM ar 13 April 2016 Dolen Barhaol
    Tagiau: , , ,   

    Haclediad 48: OMB Haclediad arall syth bin! 

    Haclediad newydd i’ch clustiau mewn llai na 6 mis? Be sydd, yn wir, haru ni? Tro yma bydd Iestyn, Bryn a Sioned yn trafod iPhones newydd (dyna sioc), Apple yn 40, rhwydwaith cymdeithasol kawaii ru hwnt newydd Nintendo, pa hawl sgen yr FBI i’ch gwybodaeth chi a cheir widawiw Tesla. Hyn oll a mwy yn arwain at Hacio’r iaith 2016 yng Nghaerdydd ar Ebrill 16, mwynhewch!

     
  • Rhos Prys 10:40 AM ar 13 April 2016 Dolen Barhaol  

    WordPress 4.5 

    Logo WordPressMae’r fersiwn diweddaraf o WordPress wedi ei ryddhau. Cofiwch ddiweddaru!

    Mae’n cynnwys diweddariadau diogelwch yn ogystal â nodweddion newydd.

    Gyda lansio WordPress 4.5 mae’n gyfle i edrych yn ôl ar berfformiad Cymraeg WordPress 4.4. Mae’r ystadegau llwytho i lawr yn dangos 250 o becynnau ryddhau a 3,369 pecyn iaith hyd heddiw.

    Mae’r cofnod ar Haciaith.com ar 19 Awst am WordPress 4.3 yn cyfeirio at y ffaith fod 205 o becynnau ryddhau wedi eu llwytho i lawr ar gyfer WordPress 4.2. Cynnydd felly o 45 gwefan. Does gen i ddim ffigwr cyfatebol ar gyfer y pecynnau iaith. Mae WordPress.org wedi ei lwytho i lawr dros 42 miliwn (42,737,524) o weithiau ym mhob iaith.

    Mae cyfieithiad WordPress 4.5 wedi ei drosglwyddo i WordPress.com. Does dim data o ran defnydd y rhyngwyneb Cymraeg ar WordPress.com.

    Diolch i Rhoslyn Prys, Carl Morris, Iwan Standley a Gruffudd Prys.

    Dyma sy’n newydd:

    Gwelliannau Golygu

    Dolennu Mewnlin

    Canolbwyntiwch ar eich ysgrifennu gyda rhyngwyneb fydd yn tarfu llai a sy’n caniatáu i chi gysylltu’n haws â’ch cynnwys.

    Fformatio Llwybrau Byr

    Ydych chi’n mwynhau defnyddio llwybrau byr fformatio ar gyfer rhestrau a phenawdau? Mae nhw nawr yn fwy defnyddiol byth, gyda llinellau llorweddol a <code>.


    Gwelliannau Cyfaddasu

    Rhagolwg Byw Ymatebol

    Bydd eich gwefan yn edrych yn dda ar bob sgrin! Gallwch weld rhagolwg yn syth ar eich dyfais symudol, tabled a bwrdd gwaith drwy’r cyfaddaswr.

    Logos Penodol

    Mae themâu nawr yn gallu cynnal logos ar gyfer eich busnes neu frand. Mae themâu Twenty Fifteen a Twenty Sixteen wedi eu diweddaru i gynnal logos penodol, sydd i’w gweld yn adran Hunaniaeth Gwefan y cyfaddaswr.


    O Dan y Clawr

    Adnewyddu Dewisol

    Mae’r cyfaddaswr nawr yn cynnal fframwaith cynhwysfawr ar gyfer cyflwyno rhannau o’r rhagolwg heb ailysgrifennu eich cod PHP yn JavaScript. Gallwch ei weld ar waith gyda Dewislenni.

    Newid Maint Delwedd Clyfar

    Mae delweddau mawr yn llwytho hyd at 50% yn gynt gyda dim colled mewn ansawdd. Mae’n edrych yn dda.

    Diweddariadau Llyfrgell JavaScript

    Mae jQuery 1.12.3, jQuery Migrate 1.4.0, Backbone 1.2.3, ac Underscore 1.8.3 wedi eu cynnwys.

    Gwelliannau i’r Llwythwr Sgriptiau

    Mae gwell cefnogaeth wedi ei ychwanegu ar gyfer sgriptiau dibyniaethau pennyn/troedyn. Mae’r wp_add_inline_script() newydd yn caniatáu ychwanegu cod ychwanegol i sgriptiau cofrestredig.

     
  • Hacio'r Iaith 6:58 PM ar 4 April 2016 Dolen Barhaol  

    Hacio’r Iaith 2016 Caerdydd – manylion a chofrestru 

    hadyn-ellis

    Bydd Hacio’r Iaith 2016, ein seithfed digwyddiad blynydddol, yn cael ei chynnal yng Nghaerdydd am y tro cyntaf.

    Y dyddiad i’w roi yn eich dyddiadur yw:
    dydd Sadwrn 16 Ebrill 2016
    9yb tan 5yp

    a’r lleoliad yw:
    Adeilad Hadyn Ellis, Prifysgol Caerdydd, Ffordd Maindy, Cathays, Caerdydd, CF24 4HQ

    Mae’n gyfle gwych i gyflwyno eich gwaith, cael ymateb i’ch prosiectau, bod yn ofod i brofi/arbrofi, cynnal gweithdai, a rhannu gwybodaeth am yr hyn sy’n eich tanio ym maes tech ac iaith.

    Ond yn bwysica oll, mae’n gyfle i fwynhau sgwrs gyda phobl newydd a chyfarwydd sydd efo’r un brwdfrydedd â chi dros y maes. Bydd yna siwr o fod recordiad byw o’r Haclediad hefyd!

    hacior-iaith-amserlen-2012-700

    Yr amserlen (yn 2012)

    Felly…

    Cofrestrwch am le (am ddim)

    Cyfrannwch at drefnu’r digwyddiad a phostiwch eich syniadau am sesiwn ar Google Drive (nid oes angen cyfrif)

    Gan ei fod yn gynhadledd agored mae disgwyl i bawb sy’n dod gyfrannu drwy sôn am eu prosiectau neu fod yn rhan o sesiwn mewn rhyw ffordd. Mae’n ddigwyddiad i rannu profiadau, a chymryd rhan, ddim eistedd nôl.

    Mae croeso i gyfraniadau o bob math sy’n ymwneud â’r Gymraeg a defnydd o dechnoleg, y we a’r byd digidol. Os ydych chi’n cynnig sesiwn dw i’n siŵr bydd rhywbeth o ddiddordeb i bobl eraill.

    Mae’n werth i chi bostio syniadau ar yr amserlen ar Google Drive os ydych am ddod. Gallwn drafod a helpu i roi sesiynau at ei gilydd.

    Os ydych eisiau man trafod mae blwch sylwadau o dan y cofnod hwn.

    Diolch yn fawr iawn i:

    • Jeremy Evas a Catrin Stephens am helpu gyda threfniadau
    • Prifysgol Caerdydd am y lleoliad, croeso ac am noddi coffi a the
    • Nominet am noddi cinio

    Edrychwn ‘mlaen at eich gweld chi!

    Carl, Rhys, Curon a chriw Hacio’r Iaith

    DIWEDDARIAD:

    Dyma gipolwg ar y ddogfen trefniadau gyda manylion am deithio, sesiynau, syniadau ac amserlen:

     
    • Dewi Eirig Jones 9:57 PM ar 4 Ebrill 2016 Dolen Barhaol

      Be ydi côd post Adeilad Hayden Ellis?

    • Carl Morris 10:18 PM ar 4 Ebrill 2016 Dolen Barhaol

      Dewi, dw i newydd ychwanegu’r cyfeiriad llawn uchod.

    • Dewi Eirig Jones 2:59 PM ar 5 Ebrill 2016 Dolen Barhaol

      Diolch

    • Carl Morris 1:34 PM ar 11 Ebrill 2016 Dolen Barhaol

      Diweddariad:

      Rydym wedi cadarnhau sawl sesiwn ddiddorol.

      Peidiwch ag anghofio cofrestru er mwyn i ni’ch bwydo!

    • Carl Morris 6:10 PM ar 11 Ebrill 2016 Dolen Barhaol

      Dyma gopi o neges e-bost dw i newydd anfon at fynychwyr, rhag ofn bod unrhyw un wedi ei methu.

      Annwyl gyfaill,

      Diolch am gofrestru ar gyfer Hacio’r Iaith 2016! Dyma ambell i bwynt defnyddiol i chi a’r pobl eraill sy’n mynychu.

      • Egwyddor:

      Bydd Hacio’r Iaith 2016 yn ddigwyddiad gan y bobl i’r bobl. Mae croeso cynnes i unrhyw un gyfrannu sesiwn – fawr neu fach – megis sgwrs, gweithdy neu gyflwyniad ar unrhyw beth sydd yn ymwneud â’r Gymraeg a’r byd digidol. Felly…

      • Trefniadau:

      Mae’r ddogfen hon ar Google Drive ar gyfer trefniadau o bob math. Cymerwch gipolwg. Mae manylion am deithio, rhestr o sesiynau/syniadau ac fe fydd amserlen ddrafft cyn hir hefyd.
      http://iawn.de/haciaith2016
      Ysgrifennwch unrhyw syniadau sydd gyda chi ar y ddogfen. Does dim angen cyfrif Google Drive. Rydyn ni’n gofyn i bobl gynnig o flaen llaw er mwyn gwneud trefnu’n haws a hyrwyddo sesiynau i fynychwyr. Ond mae modd cynnig syniadau ar y diwrnod hefyd. Dim ond dau berson neu fwy sydd angen er mwyn cynnal sesiwn. Mae rhai o’r sesiynau gorau yn weddol fach.

      • Swper nos Wener:

      Mae wedi dod yn draddodiad cwrdd â chyd fynychwyr y nos gynt am bryd o fwyd, felly os hoffet ymuno â ni am bryd o fwyd yn Yr Hen Lyfrgell ar nos Wener am 7:30pm, rho’ch enw ar y ddogfen (dolen uchod) cyn gynted â phosib, nos Fawrth fan hwyraf, fel y gallwn archebu digon o le ar gyfer pawb!

      • Cyfeillion eraill

      Mae llefydd eraill ar gael i’ch cyfeillion felly aildrydarwch bethau @haciaith ar yr hen drydar os gwelwch yn dda a dwedwch wrth ffrindiau. Gallech chi rannu’r ddolen yma hefyd:
      http://iawn.de/haciaith2016datganiad
      Mae angen i bobl gofrestru er mwyn sicrhau bod ‘na digon o ginio i bawb. Diolch i Brifysgol Caerdydd a Nominet am noddi’r bwyd a diodydd poeth.

      Dw i’n edrych ymlaen at eich gweld ddydd Sadwrn am 9yb!

      Cofion

      Carl a chriw Hacio’r Iaith 2016

  • nicibeech 5:58 PM ar 29 March 2016 Dolen Barhaol
    Tagiau: arolwg, disquscymraeg, , generationbeth;,   

    Generation Beth a Disqus yn Gymraeg 

    Helô Hacieithwyr hoff!

    Ro’n i’n chwilio am bethau ynglyn â Disqus yn Gymraeg yn gynharach pnawn ‘ma a meddwl y baswn i’n cofnodi hyn yn fa’ma – gobeithio y bydd o ddiddordeb!

    Yn y gwaith (Cwmni Da) dw i a Phil Stead wedi bod yn gweithio ar brosiect cyffrous iawn sy’n cael ei lansio ar draws Ewrop mewn llai na pythefnos.

    Mae  S4C yn un o gyd-gynhyrchwyr ‘Generation Beth’ ynghyd â nifer o ddarlledwyr eraill
    Mae’n brosiect sy’n edrych ar fywydau pobl ifanc (oed 16-34) a’u hagweddau at bob math o bynciau. Mi fydd arolwg rhyngweithiol deinamig yn lansio yn swyddogol ar Ebrill 11eg a chyfres o ffilmiau dogfen teledu yn darlledu o Fai 13eg.

    Erbyn hyn, mae dros 15 o wledydd ar draws Ewrop yn rhan o brosiect Generation Beth a’r cyd-gynhyrchiad yn cael ei reoli gan yr EBU (European Broadcsting Union). Mae llwyddiant prosiect rhyngweithiol fel hyn yn dibynnu ar bartneriaethau cryf ar draws Cymru. Felly, os allwch chi helpu cyfeirio pobl at y prosiect cyffrous hwn mi fasen ni’n ddiolchgar iawn.

    Mae’r arolwg yn fyw rŵan, ond nid yw’r holl elfennau deinamig i’w gweld eto. Tydi o ddim yn lansio yn swyddogol tan Ebrill 11eg, ond rydyn ni angen nifer o bobl i gymryd rhan cyn y dyddiad yna. Gorau oll os ydyn nhw yn 16-34 oed, ond mae modd i unrhywun gymryd rhan wrth gwrs. Mae nifer o’r cwestiynau yn lot o hwyl i’w hateb – ac yn gwneud i chi feddwl! Mae’n hollol gyfrinachol – felly ewch amdani, a rhannwch y ddolen gyda’ch ffrindiau!

    O ia, fel rhan o baratoi’r prosiect yn Gymraeg, ‘dan ni wedi bod yn ychwanegu at y cyfieithiadau sydd yn Disqus.
     
  • Sioned Mills 2:39 PM ar 7 March 2016 Dolen Barhaol
    Tagiau: , ,   

    Haclediad 47: Hwyr fel Hywel yr Hwyaden Hap 

    Ar Haclediad cynta’r flwyddyn bydd Bryn, Iestyn a Sioned yn busnesa yn sioe tech CES, yn clywed mwy am Bryn ar y radio, snarkio am Snapchat a phendroni am BT Openreach (mwy diddorol nac y mae’n swnio, addo!). Fel pob rhifyn arall byddwn yn pigo’r gorau o straeon tech y mis ac yn hedfan off ar sangiadau gwyllt – mwynhewch!

    Dolenni
    Pres Duolingo

     
  • Carl Morris 5:01 PM ar 24 February 2016 Dolen Barhaol
    Tagiau:   

    Bydd Hacio'r Iaith 2016 ar 16 Ebrill yng Nghaerdydd 

    dominos-am-byth

    Dyma nodyn bach sydyn i ddweud bod digwyddiad Hacio’r Iaith 2016 wedi’i gadarnhau!

    Rhowch y dyddiad yn eich calendr os gwelwch yn dda:

    Dydd Sadwrn 16 Ebrill 2016
    Caerdydd
    Trwy’r dydd
    (Rhagor o fanylion i ddod)

    Bydd croeso cynnes i bawb ddod i drafod a gwneud pethau ynglŷn ag:

    • y we
    • apiau
    • creadigrwydd ar-lein
    • fideo
    • gwleidyddiaeth/ymgyrchu
    • newyddion a blogio
    • cyfieithu
    • gemau
    • cyfuniadau o’r uchod
    • a mwy!

    Rydym wedi cynnal digwyddiadau Hacio’r Iaith mawrion yn Aberystwyth a Bangor ers 2009 ond erioed wedi cynnal digwyddiad o’r fath yn y brifddinas.

    Bydd rhagor o fanylion a dolen cofrestru (am ddim) ar wefan Hacio’r Iaith ac ar wici Hedyn cyn hir.

    Yn y cyfamser meddyliwch am syniadau! Bydd e’n ddigwyddiad gan y bobl i’r bobl.

    Gallech chi fod yn rhan o sesiwn – fach neu fawr – ar bwnc sydd yn bwysig i chi.

     
    • Leia 12:04 PM ar 25 Chwefror 2016 Dolen Barhaol

      Wwp! Lot haws i fi na Fangor! 😉

    • Sioned 5:10 PM ar 25 Chwefror 2016 Dolen Barhaol

      Criw’r haclediad yna gobeithio! Whoop ac yn wir whoop!

  • Rhos Prys 9:29 AM ar 16 February 2016 Dolen Barhaol  

    Robotiaid a Straeon Cynllwyn – Dan yr Wyneb 

    Dylan Iorwerth BBC

    Roedd Dan yr Wyneb neithiwr yn trafod deallusrwydd artiffisial a robotiaid. Mae modd gwrando arno eto drwy wefan y BBC Radio Cymru.

    Cyflwynydd: Dylan Iorwerth. Cyfranwyr: Osborne Jones, Dr Wayne Aubrey a Rhoslyn Prys.

    Mae’r llun yn perthyn i’r BBC.

     
  • Sioned Mills 11:35 PM ar 24 December 2015 Dolen Barhaol
    Tagiau: haciaith haclediaid podcast podlediad, ,   

    Haclediad 46: Ho-Ho-Hollol Nadoligaidd 

    Croeso i Sioe ho-ho-hollol Nadoligaidd yr Haclediad – tro yma byddwn yn taflu’r sgript mas trwy’r ffenest ac yn holi’n daer ar Siôn Corn am anrhegion tech sgleiniog, pethau newydd i’w chwarae â nhw, a heddwch ar ddaear lawr (yn amgz).

    Felly dowch, tiwniwch mewn a byddwch lawen, mae Bryn, Iestyn a Sions yn dymuno Nadolig Llawen iawn i chi a 2016 eitha gwych, diolch am wrando!

    Dolenni

     
  • Gareth Morlais 1:49 PM ar 20 November 2015 Dolen Barhaol  

    Corpws Cenedlaethol Cymraeg Cyfoes am gyflogi Cydymaith Ymchwil Ôl-ddoethurol 

    Dwi’n postio’r swydd yma ar ran Dawn Knight, CorCenCC. Y dyddiad cau yw 24/11/15

    ‘CorCenCC – Corpws Cenedlaethol Cymraeg Cyfoes: Dull cymunedol o adeiladu corpws ieithyddol’
    corcencc
    Gwahoddir ceisiadau ar gyfer Cydymaith Ymchwil Ôl-ddoethurol i ymuno â phrosiect rhyngddisgyblaethol ac aml-sefydliadol fydd yn creu corpws ffynhonnell agored o Gymraeg cyfoes ar raddfa eang (CorCenCC). Nod y prosiect yw ailddiffinio cwmpas, dyluniad a seilwaith methodoleg datblygu corpws, yn ogystal â chreu adnodd Cymraeg o bwys i’w ddefnyddio mewn lleoliadau cymunedol, masnachol, addysgol a llywodraethol.

    Bydd gan yr ymgeisydd llwyddiannus gefndir mewn ieithyddiaeth gyfrifiadurol, ieithyddiaeth corpws, rhaglennu a/neu ddatblygu meddalwedd. Mae gallu cydweithio yn elfen allweddol o’r rôl hon; bydd deiliad y swydd yn gweithio gyda thimau o wyddonwyr cyfrifiadurol ac ieithyddion cymhwysol. Mae sgiliau cyfathrebu rhagorol a gallu bodloni terfynau amser yn hanfodol, ac mae gwybodaeth am y Gymraeg yn ddymunol. Bydd deiliad y swydd yn cynorthwyo i ddatblygu set tagiau ac offer codio, yn ogystal â llunio rhaglen gwybodaeth dorfol a meddalwedd corpws digidol. Mae arbenigedd technegol perthnasol yn hanfodol, a byddai profiad o ddadansoddi data meintiol a chyfrifiadurol â meddalwedd mynegeiriau yn fanteisiol.

    Y Cyngor Ymchwil Economaidd a Chymdeithasol (ESRC) a Chyngor Ymchwil y Celfyddydau a’r Dyniaethau (AHRC) sy’n ariannu’r prosiect hwn sy’n para 3½ mlynedd. Dawn Knight, o Ganolfan Ymchwil Iaith a Chyfathrebu Prifysgol Caerdydd, sy’n ei arwain. Mae tîm y prosiect academaidd hefyd yn cynnwys Tess Fitzpatrick, Irena Spasic a Jeremy Evas (Prifysgol Caerdydd); Steve Morris a Mark Stonelake (Abertawe); Paul Rayson (Prifysgol Lancaster) ac Enlli Thomas (Prifysgol Bangor).

    Bydd y swydd hon ym Mhrifysgol Caerdydd a bydd yn amser llawn am gyfnod sefydlog o 3½ mlynedd. Bydd disgwyl i’r ymgeisydd llwyddiannus ddechrau ei swydd ar 1 Mawrth 2016 neu cyn gynted â phosibl wedi hynny. Cynhelir y cyfweliadau ar 7 Rhagfyr 2015.

    Gellir dod o hyd i fanylion ymgeisio am y swydd hon ar http://www.cardiff.ac.uk/jobs/ rhwng 26/10/15 a 24/11/15. Cyfeirnod y swydd hon yw 4001BR.
    Os oes gennych ymholiadau anffurfiol, cysylltwch â Dr Dawn Knight (KnightD5 MALWEN caerdydd.ac.uk).

     
c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
esc
cancel