Digwyddiad newydd a chyffrous yw Hacio’r Iaith ble byddwn yn trin a thrafod sut mae technoleg yn berthnasol i’r Gymraeg, sut mae’r iaith yn cael ei ddefnyddio a beth yw’r posibiliadau.
Caiff sawl maes ei drafod, gan gynnwys lleoleiddio, rhyngwladoli, cyfieithu peiriant, API, stwnsh, addysg, gwasanaethau symudol, blogio a chyfryngau cymdeithasol eraill yn Gymraeg.
Bydd y digwyddiad yn rhannol BarCamp a rhannol Hack Day (y ddau yn gydnabyddedig yn fyd-eang fel fformatau ar gyfer digwyddiadau). Golygir hyn bydd llawer o rannu syniadau, sesiynau arddangos ac ymarferol, oll drwy gyfrwng y Gymraeg.
Mae rhaglen y dydd yn user-generated, felly rydym yn annog cyfranogaeth go iawn a croesawn unrhyw un sy’n dymuno cynnal sesiwn yn berthnasol i dechnoleg a’r Gymraeg. Gall sesiwn gael ei gyflwyno gan fwy nag un person – os yw’n ddefnyddiol, ewch amdani! Bydd yna stwff ar gyfer dechreuwyr pur, y gîcs, a phawb yn y canol.
I weld yn union beth fydd yn digwydd ar y diwrnod, ewch draw at ein wiki.
Fel gynhelir Hacio’r Iaith ar ddydd Sadwrn 30ain Ionawr yn Adeilad Parry Williams, Campws Penglais, Prifysgol Aberystwyth [map].
rhywbeth ar y ffordd! ewch i’r tudalen digwyddiadau Hedyn
Mae’r digwyddiad yn cael ei drefnu gan wirfoddolwyr a’i ariannu gan ein noddwyr.
Fe groesawir cyfraniadau yn Gymraeg neu Saesneg, ond ffocws y digwyddiad yw’r defnydd o dechnoleg y we gan siaradwyr Cymraeg, drwy gyfrwng y Gymraeg ac hefyd ar gyfer dysgwyr Cymraeg. Bydd cyfieithu ar y pryd i’r Saesneg ar gael drwy gais o flaen llaw.