Ar Haclediad y tro hwn, byddwn yn trafod dyfodiad y ffôn Facebook cyntaf – caru neu gasáu gwefan Mr Zuckerberg, mae hi rŵan ar gael ar ffôn Android ei hun. Hefyd, byddwn ni’n cymryd golwg ar arian arlein Bitcoins, a’r codi a chwymp yn ei gwerth ar farchnad stoc rithwir y we. Hyn oll a llawer mwy o fwydro am deithiau tramor Bryn, yn eich rhifyn diweddaraf o’r Haclediad!
Ac wrth gwrs, diolch ENFAWR eto i Gafyn Lloyd am gymysgu, sortio a pholsio’r Haclediad eto mis yma!
Ar yr Haclediad diweddaraf i gnesu‘ch cocyls bydd Bryn, Iestyn a Sioned yn trafod digwyddiad Hacio’r Iaith ’13 gyda’u gwestai arbennig Gareth Morlais. Bydd y criw hefyd yn cymryd cipolwg ar wasanaeth fideo byr newydd Twitter, Vine, ac yn troi cadw’n heini yn gêm gyda profiadau Bryn efo’i Nike Fuel band. Hyn oll, a mwy ar Haclediad #26!
Yn ôl yng nghôl yr Haclediad y tro hwn mae Sioned, a bydd Bryn ac Iestyn yn ei chroesawu nôl efo cipolwg ar Windows 8 – y dyfodol neu ddymchwel i Microsoft? Hefyd byddwn yn sbïo dros aps newydd geiriadur a bysellfwrdd Cymreig ffab i’ch ffonau a rhestr Nadolig yr Hacledwyr, be da ni am weld yn yr hosan yna ddiwedd mis Rhagfyr? Byddwn hyn edrych mlaen yn ogystal i ddigwyddiad y flwyddyn – Hacio’r Iaith ym mis Ionawr, byddwch yn barod gyda’ch pasbortau i ddod lan/lawr i Aberystwyth!
Rhifyn arbennig O’r diwedd, anrheg hafaidd i’ch clustiau – rhifyn byw arbennig yr Haclediad o faes Eisteddfod y Fro 2012. Daeth miloedd[1] ohonoch yno i wylio Bryn, Iestyn a Sioned yn trafod popeth o gysylltiadau digidol y maes ac ap y brifwyl hyd at bosibiliadau 4G mewn cae yn Ninbych flwyddyn nesa. Hefyd, mae cyfle i wrando ar swn peraidd y trac go-karts drws nesa i’r maes[1] yn ogystal â lleisiau melfedaidd eich cyflwynwyr.
Ac wrth gwrs, mae digon o’r rantio a rwdlan hwyl arferol i’w gael yn yr Haclediad hefyd, felly s’dim angen i chi boeni! Mwynhewch bodlediad gorau’r hâf[1] ar eich peiriant NAWR
O.N. Mae’n ddrwg gennym am ansawdd y sain (Gafyn wedi trio ei orau efo be recordiwyd), ond pe bai rhywun yn awyddus i gyfrannu ychydig o feicroffonau i’r achos…
Nid yw pob un o’r datganiadau hyn yn ffeithiol gywir ↩
Gwych. Wrthi’n lawrlwytho.
Ble mae’r llun o’r tri ohonoch chi a’r hufen iâ?
Be dwi’n hoffi orau am yr haclediad yw pobl gyda ychydig iawn o wybodaeth yn malu cachu am awr. Heblaw hynny, roedd e’n dda.
@Dafydd Fedri di sgwennu hyna mewn review iTunes? Angen cael crysau t di neud: Yr Haclediad – Pobl gyda ychydig iawn o wybodaeth yn malu cachu am awr. Love it
Diolch Daf! Pryd nes ti gweld mission statement ni?!
I fod yn deg, mae HD yn sefyll am ‘haute définition’ yn Ffrangeg 
Sioe dda!
Wedi ei lawrlwytho fel gallaf wrando iddo wrth hedfan nos Lun. Edrych ‘mlaen.
Yn Haclediad 22 (yr un olaf cyn Hacio’r Iaith yn yr eisteddfod), byddwn ni’n busnesa ar ddatblygiadau tech Google yn eu cynhadledd I/O, pwt ar S4C yn rhoi’r gorau iddi ar clirlun, tabled newydd sgleiniog y Microsoft surface – ac wrth gwrs edrych mlaen i’r Haclediad byw yng ngŵyl dechnoleg yr Eisteddfod ym Mro Morgannwg.
Diolch am wrando, a falle welwn ni chi yn y brifwyl!
Sioe da.
Ategu cofnod blog da.fydd, Cau Clirlun
http://da.fydd.org/blog/2012/07/11/cau-clirlun/
Mae’r haclediad yn troi’n 21 y mis yma, ond does dim arlliw o dyfu fyny yn perthyn i’r rhaglen, diolch byth! Tro hwn byddwn ni’n trafod Gmail Cymraeg yn cyrraedd wedi siwrne hir, cipio rhagolwg ar Windows 8, aps eisteddfod yr Urdd a rhwystredigaethau di-ri diweddaru Android. Hyn oll a llwyth o fwydro penigamp gydag Iestyn, Bryn a Sioned i’ch diddanu dros y penwythnos hir yma. Joiwch!
Mwy o ystadegau Android yma: http://www.guardian.co.uk/technology/appsblog/2012/jun/03/google-play-android-ics-share
Amser maith yn ôl, mewn bydysawd pell i ffwrdd (well, Dydd Gwener ddiwethaf), ddaru ni (Sioned, Iestyn a Bryn) ymgasglu i drafod y digwyddiadau yn y byd technegol… dan drafodaeth oedd Ffôn newydd Samsung, sydd ddim mor hot ‘na ny. Cynlluniau’r llywodraeth i flocio porn sa bod ni’n gofyn amdano a thomen o podlediadau a fodlediadau newydd sydd wedi cael ei lansio yn y misoedd diwethaf.
Diolch i Gafyn Lloyd unwaith eto, a recordiwyd ar Mai 4ydd 2012.
Samsung ES8000 – Which? in-depth look
Pornography online: David Cameron to consider ‘opt in’ plan
‘Boobs’ Google Image Search (NSFW!)
TrydArwyr #0 – TrydArwyr Ymgasglwch!
Gwyyyyych. Diolch am gyfeirio fi at TrydArwyr. Iei!
Da ni’n agosáu at yr 20 fawr, felly tan hynna mwynhewch rifyn eclectig 19 o’r Haclediad! Mis ‘ma bydd Sioned (@llef) Bryn (@bryns) ac Iestyn (@iestynx) yn trafod yr iPad 3 gan fod Bryn wedi cael un neu ddau, gwrandewch am y stori sut yn union ddigwyddodd hynny.
Cynlluniau ysbïo’r llywodraeth, a pha mor breifat bydd ein cysylltiadau ar-lein sy’ angen ? Bydd hyd yn oed MWY am e-lyfrau (ar gael o’ch llyfrgell leol nawr), saga barhaol y Windows Phone, a llwythi o fwydro amrywiol a difir technolegau arall, addo!
Diolch am lawrlwytho’r rhifyn yma, ymlaen at yr 20!
Diolch am y plyg Ble Mae’r Gymraeg?
Ma’r holl beth yn eitha beta ar hyn o bryd, felly dwi’n siwr bod ffordd well o ddisgrifio be ydi o neu i eirio’tr categoriau. Dwi hefyd ddim yn siwr os ydi hi’n well cael y map fel clystyrau yn lle dots unigol. Fasa chydig o adborth ar hynny’n wych. Na’i flogio amdano fo yma’n fuan.
Ma 35 cofnod wedi cyrraedd sydd yn reit galonogol dwi’n meddwl.
Sioe da iawn. Dylai’r Comisiynydd dilyn @meri_go_rownd am enghraifft da o ddefnydd Twitter. O ddifri.
Dw i’n gynorthwy’dd llyfrgell a felly dw i’n gwybod tipyn bach am y fater elyfrau ‘na (ond dw i ddim yn Nghymru). Meddwn i bod y peth gyda Bluefire a DRM i gyd allan o ddwylo llyfrgellau. Fel ddwedoch chi, dydy’r cyhoeddwyr ddim am bawb cael y llyfrau i gyd am ddim jyst achos bod rhyw lyfrgell wedi talu amdanyn nhw. Felly, mae nhw’n creu’r systemau ‘ma gyda benthyg ffeiliau a’u dileu nhw ar ôl wythnos fel lyfrgell ddiriaethol sy’n atal pobl rhag gwasgaru ffeiliau. Achos pe tasai’r llyfrgell yn medru prynu elyfr heb cyfyngiad benthyg a’i benthyg i gan neu fil o bobl ar yr un pryd, pam fyddai pobl yn prynu eu copiau eu hun? Byddai fel darllen gwefan neu rywbeth, jyst mynd i wefan y llyfrgell a chael y llyfr am ddim; neis iawn i ninnau ond problem i’r cwmniau i gyd. Hoffai llyfrgellau prynu elyfrau amherchenogol heb cyfyngiad, creda fi! Mae nhw’n talu trwy’r trwyn am y rhai cyfyngedig sydd ganddyn nhw rwan, yn ôl y bos. Ar gyhoeddwyr ydy’r bai, ond dw i’n dallt eu golwg nhw. S’gen i’m ateb chwaith.
O ie – dw i’n caru’r Haclediad, yn wir. Diffyg podlediadau Cymraeg ofnadwy, ond dyma un grêt. Diolch!
Helo wrandawyr! Ar yr Haclediad mis yma – bydd Bryn, Iestyn a SIoned yn trafod sut aeth Hacio’r Iaith 2012 (ardderchog, wrth gwrs), dyfodiad Sianel 62 i’ch dyfeisiau bob nos Sul (darlledir y chwyldro arlein?), deddfwriaeth ACTA (yda ni am gael ein cicio oddiar y we, eto?) dim .cymru a sibrydion iPad 3, ffiw!
Yng nghanol hyn i gyd bydd mwydro, dadlau a gwylio fideos doniol am Samsung (wele yma, ac yma os da chi am wylio ar y cyd adre ‘de!)
Diolch i Gafyn Lloyd am olygu’r cyfan a diolch i chi am lawrlwytho!
Debunking the European Commission’s ’10 myths about ACTA’
Acta: EU court to rule on anti-piracy agreement
Confirmed: iPad 3 Has a 2048×1536 Retina Display
Samsung Galaxy Note Super Bowl Ad Commercial HD 2012 – Thing Called Love
Literal Samsung Tablet Commercial Parody
No block on move for .wales and cymru domain names
Newydd sylwi y camgymeriad wnes i ar y podlediad yn cwyno fod ‘.cymru’ a ‘.wales’ yn rhy hir, ond mae nhw rhyn maint a ‘.co.uk’!
Doh!
Dyma recordiad byw Haclediad #17, o flaen cynulleidfa eiddgar yn Hacio’r Iaith 2012.
Bydd Bryn, Iestyn a Sioned yn taclo SOPA bill yr Unol Daleithiau, Twitter yn sensro cynnwys am y tro cyntaf, blogiau Cymraeg, cwestiynau’r gynulleidfa, memes arlein ac yna’n darganfod un o raglenni coll Sci-Fi Cymru yn y broses!
I ddilyn Hashtags y sgwrs a gweld y cwestiynau ddaeth mewn ewch i Storify Bryn
A dyma hi fideo’r Haclediad (os da chi am weld ein wepiau ni).
Recordiwyd ar 28ain o Ionawr.
Aled Powell, 
Hywel M. is discussing. 
Haclediad ossym. Diolch. Meddwl falle fydd raid i ni drefnu Hacio’r Iaith 4.5 fel bod pawb yn cael eu hit o’r haclediad byw am y flwyddyn!