Updates from Carl Morris Toggle Comment Threads | Llwybrau Byr Bysellfwrdd

  • Carl Morris 2:12 PM on 21 May 2013 Permalink | Ateb  

    Trafod gwersi côd i blant 

    Mae Andrew Misell yn awyddus i drefnu gwersi côd i blant. Darllena isod (dw i wedi copio ei e-bost gyda chaniatâd). Allai unrhyw un helpu? Gadawa sylwadau isod neu gysyllta yn uniongyrchol gyda Andrew.

    Dwi wedi cael fy sbarduno i ymysgwyd o ‘nifaterwch am fod y mab wedi cael gwahoddiad i gwpl o gyfarfodydd Young Rewired State – un yn Nhrefynwy ym Mehefin, a’r Ŵyl Gôd sy’n cael ei chynnal ym Mryste a sawl man arall yn Awst. Does dim un o’r rhain yn ymarferol i ni, ac, wrth gwrs, mi fyddan nhw yn Saesneg.

    Dwi’n fodlon rhoi cynnig ar weld beth gallwn ni ei wneud o ran trefnu sesiwn undydd yn ne Cymru – Caerdydd, Casnewydd, Pontypridd, efallai. (Un broblem gyda’r Ŵyl Gôd oedd ei bod yn para am wythnos gyda rhan ym Bryste a rhan arall y Mirmingham, ac felly’n mynd yn eithriadol o ddrud o ran llety a theithio). Baswn i am wneud rhywbeth digon rhad i bawb.

    [...]

    Oes gyda chi blentyn sydd wrth ei fodd gyda chôd?

    Oes gyda chi blentyn sydd wrth ei fodd (neu ei bodd) gyda’r cyfrifiadur – yn sgwennu rhaglenni, creu gêmau, neu ddatblygu gwefannau? Gall cyfrifiadura fod yn hobi pur unig weithiau – lot o amser yn plygu dros y cliniadur yn trïo datglymu rhyw ddarn bach o gôd. A does dim byd gwell i arloeswyr a dyfeiswyr na rhannu syniadau.

    Hoffwn i wybod a oes rhieni eraill allan yn y byd mawr fasai gyda diddordeb mewn cynnal sesiwn undydd i blant a phobl ifanc oedran ysgol ddod ynghyd yn ne Cymru, i ddysgu gan ei gilydd a rhannu eu prosiectau yn Gymraeg.

    I ddangos diddordeb (neu i gynnig help) cysylltwch ag andrew.misell@hotmail.co.uk, neu trydar at @andrewmisell

    Cofion

    Andrew

     

  • Carl Morris 1:12 PM on 7 May 2013 Permalink | Ateb
    Tags: , data agored   

    Hargreaves yn galw am fwy o ddata agored yng Nghymru 

    Mae Click on Wales wedi cyhoeddi trawsgrifiad o araith gan Yr Athro Ian Hargreaves am sut i wella Cymru, yn bennaf trwy mabwysiadu agwedd ‘agored’ yng Nghymru a data agored.

    [...] Which brings me to the main point I would like to make this evening. Given a choice between doing something in a way which is open, transparent and contestable or in a way which prioritises privacy, obscured authority or even secrecy, we should never be in any doubt:

    Choose open.

    Or, as the point is often put in debates about information and the Internet, we should set the default switch to open and then mitigate the risks of being open, rather than first and foremost worrying about loss of control. And we should use these open channels to design solutions around the expressed and researched preferences of users of services – of citizens. [...]

    Mae fe’n defnyddio’r gair ‘open’ 36 gwaith (gan gynnwys ‘openly’, ‘openness’ ayyb).

    Efallai mae fe’n euog o ddiffiniad rhy slac o’r gair – e.e. dw i ddim yn gweld y cysylltiad rhwng yr enghraifft pel-droed a manteision data agored.

    Hoffwn i drafod mwy am y ddarn nesaf sydd yn mynd tu hwnt i ddata agored:

    [...] With open also comes plurality – healthy competition between individuals and institutions. The opposite course tends towards the concentration of information and power in the hands of a few: a real danger here in Wales.

    So, we should be open to

    • Competition from wherever competition stems.
    • New ideas and innovation, even where change is painful.
    • The movement of people, ideas and culture in the confident belief that strong cultures learn quickly and become stronger as a result. [...]

    O safbwynt iaith dw i ddim yn siŵr os yw’r Gymraeg yn ddigon cryf eto i wynebu’r ‘agored’ (yn ôl y diffiniad yma) yn gyfan gwbl. Ond mae’n bosib fy mod i wedi camddeall.

     

  • Carl Morris 5:52 PM on 18 April 2013 Permalink | Ateb
    Tags: ,   

    Bjarne Stroustrup, dyfeisiwr C++ yn Abertawe 

    Dw i newydd clywedd am ymweliad Bjarne Stroustrup i Abertawe i siarad am C++ ddoe. Aeth unrhyw un? Sut oedd e?

     

  • Carl Morris 7:31 AM on 5 April 2013 Permalink | Ateb
    Tags: , TripAdvisor   

    TripAdvisor yn gwrthod derbyn adolygiadau yn Gymraeg 

    tripadvisor-llety-bodfor-lowri_amlwch

    Am wefan mor ‘rhyngwladol’ mae’n siom i weld tystiolaeth o bolisi ieithyddol cyfyngedig TripAdvisor. Noder y frawddeg ymosodol-oddefol ar y diwedd – iawn, gwawn ni jyst dilyn eich rheolau a pharhau i greu cynnwys i chi am ddim yn Susnag neu Eidaleg te! Diolch i Lowri Roberts am y tip. (Sut oedd Llety Bodfor eniwe? Dydyn ni dal ddim yn gwybod.)

    Mae un person o leiaf wedi llwyddo i roi adolygiad yn Gymraeg ar TripAdvisor ond am faint fydd cynnwys Cymraeg yn fyw yna? Ddylen ni boddran o gwbl gyda gwefannau Generalísimo Franco-aidd o’i fath? Dyma’r cwestiwn sy’n taro fi pan dw i’n cael profiadau tebyg yn enwedig ar wefannau eraill sydd yn aml iawn yn fod i wneud arian ar sail gwaith defnyddwyr, e.e. Quora yn dileu cynnwys Cymraeg yn 2011.

    Weithiau anhawster wrth fonitro cynnwys ydy’r esgus (er enghraifft dyma beth oedd y Guardian yn arfer dweud am sylwadau Cymraeg heb esboniad/cyfieithiad Saesneg).

    Mae rhai o wasanaethau ar-lein yn rhy fawr i’w osgoi – byddai Llywodraeth Cymru yn gallu helpu i berswadio pobl fel Google, Apple, Facebook, Microsoft i fabwysiadu’r Gymraeg ar bob platfform gan gynnwys y we, symudol a’r bwrdd gwaith. Ond ydyn ni’n ysu am y fraint i gyfrannu i rywbeth fel TripAdvisor? Hoffwn i glywed beth mae gwestai a busnesau eraill sy’n cefnogi’r Gymraeg yn feddwl.

    O.N. Peidiwch anghofio adolygiad.com, gwasanaeth gan y Cymry i’r Cymry sydd yn hapus i dderbyn adolygiadau o ffilmiau, bwyd, llyfrau, llety ayyb! Defnyddiwch y tag #adolygiad ar Twitter er mwyn cynnig adolygiad. Mae’r archif yn chwiliadwy. Ar hyn o bryd dw i’n trio cuddio unrhyw beth sydd mewn iaith arall 100% ond mae’n teimlo fel achos gwahanol rhywsut. :-)

     

    • Richard 7:15 PM on 7 Ebrill 2013 Permalink

      Diolch am godi hyn. Fe ges i’r un broblem. Sai’n siwr beth yw’r ateb gorau. Croesawu defnydd #adolygiad – byddai’n gwneud mwy o ymdrech i ddefnddio hwnna.

    • Carl Morris 3:10 PM on 8 Ebrill 2013 Permalink

      Gweler hefyd: Cernyweg ar Amazon

  • Carl Morris 12:02 AM on 26 March 2013 Permalink | Ateb
    Tags: consolau, , ,   

    S4C: drama aml-blatfform PyC a gemau Cymraeg ar gonsolau 

    cyntaf-oi-fath-yn-y-gymraeg-200Dw i wedi sylwi ar ddau ddatganiad S4C am ddatblygiadau digidol yn ddiweddar.

    Yn gyntaf S4C yn sôn am y prosiect PyC:

    [...] Mae S4C yn cyd-weithio â BBC Cymru Wales i ddangos cyfres ddrama newydd fydd yn cael ei darlledu ar wefan S4C yn unig.

    Mae cynhyrchwyr Pobol y Cwm, BBC Cymru Wales, yn torri tir newydd gyda chyfres aml-blatfform arloesol ar y we o’r enw PyC.

    Er bod PyC yn seiliedig ar rai o gymeriadau’r opera sebon boblogaidd, mae’r straeon yn fwy pigog a’r profiad yn wahanol.

    Bwriad y prosiect yw apelio at oedolion ifanc ac mae’r awduron yn chwilio am ffyrdd gwahanol i adrodd stori. Mae’n nhw’n straeon sy’n sefyll ar eu traed eu hunain, heb amharu ar lif y gyfres deledu, Pobol y Cwm. [...]

    Mae stori Newyddion BBC hefyd os dych chi eisiau darllen y datganiad eto.

    Does dim llawer ar y wefan eto. Gawn ni weld. Postiais i feddyliau am PyC llynedd pan o’n i ddim yn glir iawn am union natur y prosiect mae’n rhaid dweud. Wedi dweud hynny dw i ddim yn siwr os oedd adran y wasg S4C yn gwybod ar y pryd chwaith. :-)

    Hefyd rhyddheuodd S4C datganiad am y gronfa ddigidol yr wythnos diwethaf (ac mae’n braf cael rhagor o wybodaeth o’r diwedd) gan gynnwys:

    [...] Mae S4C hefyd yn gweithio gyda phartneriaid i ddatblygu gemau digidol yn y Gymraeg, ar gyfer plant ac oedolion, fydd yn cael eu lansio ar dabledi a chonsolau gemau yn ystod y flwyddyn. Bydd hyn yn rhoi’r iaith Gymraeg ar rai o’r platfformau rhyngwladol mwyaf blaenllaw am y tro cyntaf. [...]

    Pa gonsolau? Beth fydd y cynllun o ran masnachu/dosbarthu’r gemau? Pa gemau? Ayyb! Bydd gemau ar Xbox (ac ati) yn newyddion mawr ac yn haeddu’r bathodyn uchod yn bendant.

     

  • Carl Morris 5:28 PM on 18 March 2013 Permalink | Ateb
    Tags: , memynnau,   

    Gangnam Atalnodi: 20,606 o sesiynau gwylio ar YouTube 

    Dw i’n meddwl am y fideo Gangnam Atalnodi sydd wedi bod ar YouTube ers pump diwrnod ac wedi cael 20,606 o sesiynau gwylio hyd yn hyn.

    Prin ydyn ni’n gweld ffigur o’i fath ar fideo Cymraeg. Hoffwn i wybod mwy ond pwy bynnag sydd yn rhedeg y cyfrif wedi rhoi cyfyngiad ar yr ystadegau (botwn graff o dan pob fideo YouTube). Mae’n anodd dweud pwy sy’n gwylio, sawl gwaith maent yn gwylio ac o le maent yn dod ayyb.

    Gangnam Atalnodi oedd y fideo cyntaf ar y cyfrif GarthOlwgDigidol – doedd dim dilynwyr ynghynt. Ond dw i’n siwr bod y cysylltiad gyda Gangnam Style yn rhoi hwb o sylw.

    Dw i wedi gweld yr erthygl ar Golwg360. Sawl eitem arall sydd wedi bod yn y cyfryngau prif ffrwd?

     

  • Carl Morris 5:58 PM on 14 March 2013 Permalink | Ateb
    Tags: ,   

    Papurau Newydd Cymru Arlein o 1844 i 1910… rhyfedd, cynhwysfawr, penigamp 

    Winesniffing

    Mae rhai o bobl gan gynnwys mynychwyr Hacathon a Hacio’r Iaith eisoes wedi cael cip ar wefan newydd Llyfrgell Gen, sef Papurau Newydd Cymru Arlein. Maent newydd lansio’r archif o bapurau (Cymraeg a Saesneg) yn swyddogol gyda ffrwydrad o ganapés, mwy o deitlau (a thrwyddedau hawlfraint penodol)!

    Ewch yn llu i:

    http://papuraunewyddcymru.llgc.org.uk

    Dyma fy nhrydariadau o’r digwyddiad neithiwr.



    Mae modd pori’r archif o hen bapurau newydd o Gymru yn Gymraeg a Saesneg nawr ar http://t.co/XkfC2rdXPm #papur #haciaith
    13 Mawrth 2013 7:07 PM trwy Twitter for AndroidAtebAildrydaruFfefryn
    @carlmorris
    Carl Morris ☺☻


    Andrew Green: ail-diffinio ystyr ‘llyfrgell’ ac ‘archif’. Mynediad i bawb. Cyfrannu deunydd i blatfform addysgol Hwb hefyd. #papur #haciaith
    13 Mawrth 2013 7:12 PM trwy Twitter for AndroidAtebAildrydaruFfefryn
    @carlmorris
    Carl Morris ☺☻


    Green: wedi lansio prosiect Digidol i helpu busnesau i fanteisio ar etifeddiaeth Cymraeg – glowyr data, geo, pethau newydd #papur #haciaith
    13 Mawrth 2013 7:14 PM trwy Twitter for AndroidAtebAildrydaruFfefryn
    @carlmorris
    Carl Morris ☺☻


    Alastair Dunning: creu ‘llyfrgell Ewropeaidd’ ar-lein. Tro 1af mae’r Gymraeg yn rhan ohono fe #papur #haciaith http://t.co/fInGsh2Cre
    13 Mawrth 2013 7:21 PM trwy Twitter for AndroidAtebAildrydaruFfefryn
    @carlmorris
    Carl Morris ☺☻

    Mae’r cyfnod o’r wasg ffyniannus Gymreig yn berthnasol iawn i ni yn Yr Oes Ddigidol ac mae gwersi i bobl sydd yn rhedeg cyfryngau annibynnol. Jyst paid â disgwyl manylion ar hyn o bryd achos dw i gorfod mynd. :-)

    cymro-cadarn

    Childsqueereye

     

    • Rhys 10:25 PM on 14 Mawrth 2013 Permalink

      Esiamplau gwych o’r ‘rhyfedd’ fan’na gen ti!

      Mae’r ychydig iawn dw i wedi eu darllen hyd yma wedi bod yn ddifyr. Gan bod cryn dipyn o gam-sganio (sydd i’w ddisgwyl) ar sawl erthygl byddai rhoi’r gallu i’r cyhoedd dorfoli’r gwaith cywiro yn gallu bod yn ddefnyddiol (a falle hwyl os oes sgorio/gwobrwyo). Wedi’r cyfan, bydd mwy o werth masnachol (neu arall) wedyn os yw’r testun yn gywir.

      Wrth gwrs byddai’n rhaid bod a rhyw ddull o gymedroli, ond falle gelli’r cael system ble mae’n rhaid i defnyddwyr eraill a/neu gymedrolwr gymeradwyo sampl go dda o gywiriadu unhryw unigolyn cyn iddynt ddod yfynd yn fyw.

    • Carl Morris 10:46 AM on 15 Mawrth 2013 Permalink

      Dw i’n methu derbyn credit am ffeindio’r delweddau yma. Mae llwyth ohonyn nhw o’r sesiwn Hacathon. Ond fi wnaeth ffeindio Blood Pills!

  • Carl Morris 7:07 PM on 12 March 2013 Permalink | Ateb
    Tags: ,   

    Sesiwn SXSW Indigenous Tweets am ieithoedd bychain 

    Dyma Storify o sesiwn Indigenous Tweets yn South by Southwest Rhyngweithiol eleni. O’n i’n methu mynychu’r ŵyl o gwbl yn anffodus ond mae’n edrych fel trafodaeth difyr.

    Storify: Indigenous Tweets, Visible Voices & Technology

     

    • Richard Nosworthy 7:12 PM on 12 Mawrth 2013 Permalink

      Sylw diddorol am broffeil Basgeg – oes pethau allen ni dysgu yng Nghymru?

    • Carl Morris 7:45 PM on 12 Mawrth 2013 Permalink

      Mae gwersi o’r sefyllfa Basgeg yn bendant. Mae cyfryngau yn gryfach yna yn gyffredinol – o bapurau i deledu i wefannau/blogiau. Ac mae’r buddsoddiad call yn helpu!

  • Carl Morris 12:15 PM on 1 March 2013 Permalink | Ateb
    Tags: ,   

    Mae’r delwedd Google heddiw yn… 

    WYCH!

    delwedd-google-dydd-gwyl-dewi

    (Yn anffodus dyw’r fersiwn Cymraeg ddim yn cynnwys y ddelwedd.)

    Dydd Gŵyl Dewi Hapus i chi.

     

  • Carl Morris 11:37 PM on 21 February 2013 Permalink | Ateb
    Tags: , ,   

    Cwmni Da ac S4C yn lansio ap Llefydd Sanctaidd ar iOS… Trafodaeth 

    Ifor ap Glyn - Llefydd Sanctaidd

    Newyddion da i bobl sy’n licio crwydro yng Nghymru. Dw i newydd gweld bod y tîm tu ôl y rhaglen teledu Llefydd Sanctaidd wedi lansio ap Llefydd Sanctaidd am ddim ar iOS:

    [...] Nawr, gyda chymorth yr app arbennig hwn, fe allwch chithau gychwyn ar eich pererindod eich hunain i unrhyw un o’r 37 lle sanctaidd sy’n ymddangos yn y gyfres. Gan ddefnyddio technoleg GPS, gallwch ddarganfod sut i gyrraedd, edrych ar luniau a darllen am hanes y llefydd sanctaidd. Gyda chyfarwyddiadau, mapp a gwybodaeth i ymwelwyr mae popeth sydd ei angen arnoch cyn cychwyn am dro i gyd ar gael mewn un man cyfleus ar yr app arbennig hwn.

    Lawrlwythwch yr app heddiw am ddim o itunes.com/llefyddsanctaidd. [...]

    [...] Mae cynnwys Cymraeg yr app hwn wedi ei gyfieithu o lyfr Nick Mayhew-Smith, ‘Britain’s holiest places’. Mae fersiwn Saesneg o’r app yn cael ei chreu ar hyn o bryd fydd yn cynnwys 500 o fannau sanctaidd y llyfr hwnnw, a bydd ar werth am £5.49. [...]

    Datganiad i’r wasg am ap Llefydd Sanctaidd

    Mae llawer o bobl yn mynegi barn am ddefnydd S4C o ddigidol. Beth bynnag yw’r diffygion, maent yn gallu comisynu APS! Ac aps brodorol ar gyfer iOS yn bennaf er bod rhai ar gyfer Android. Dw i’n chwilfrydig am yr egwyddorion tu ôl y strategaeth yma.

    1. Faint o ddefnyddwyr Cymraeg sydd ar iOS (iPad, iPhone) bellach?

    2. Pam mae prinder o brosiectau S4C ar blatfformau digidol gyda mwy o ddefnyddwyr potensial fel Android, y we, Wicipedia, ayyb? (Dw i’n defnyddio Android! Dw i heb cael siawns i brofi’r ap eto. Mae croeso i unrhyw un postio meddyliau / profiadau yn y sylwadau.)

    3. Er enghraifft, oes modd cael mwy o gynnwys amlgyfryngol ar dudalen S4C am Llefydd Sanctaidd?

    Jyst gofyn. Efallai byddai rhywun sy’n gwybod yn gallu ateb.

    Gyda llaw hoffwn i weld ystadegau am ddefnydd o aps yn y dyfodol agos – er enghraifft trwy unrhyw ap mae’n ddigon hawdd i ofyn am ganiatâd i gasglu data (dienw) am leoliad ayyb. Dw i jyst ddim yn siŵr pa mor dda rydyn ni’n deall y farchnad aps Cymraeg.

     

    • Huw Marshall 8:15 PM on 3 Mawrth 2013 Permalink

      Mae na rhesymau fasnachol dros lansio ar iOS yn gyntaf, dwi’n gobeithio blogio ar y pwnc yn fuan. O ran cynnwys amlgyfryngol mae rhaid cofio bod adnoddau ariannol a dynol yn brin, dwi wrthi’n datblygu strategaeth yn S4C sy’n golygu fod rhaid targedu’r adnoddau prin yma. Mae datblygu’r Ap llefydd sanctaidd yn enghraifft o gynnwys ddigidol ychwanegol mewn cysylltiad a rhaglen, ‘swn i wrth fy modd yn cynnig mwy o adnoddau ddigidol yn gyffredinol ond diwedd y gân yw’r geiniog.

      Un enghraifft o sut mae S4C yn ehangu eu darpariaeth digidol yw ein partneriaeth â’r theatr gen ar prosiectau Y Bont a Tir Shir Gâr.

      Dwi’n gobeithio fydd ffrwythau fy llafur yn dechrau amlygu eu hunain yn y misoedd sy’n dod. Mae na lot o ddatblygiaday cyffrous ar y gweill.

    • Carl Morris 9:13 PM on 5 Mawrth 2013 Permalink

      Diwedd y gân yw’r geiniog – ond beth am amcanion gwasanaeth cyhoeddus S4C?

      Fydd blog S4C sydd yn esbonio rhesymeg dros benderfyniadau digidol felly? (Gwych!)

    • Rhys 10:04 PM on 12 Mawrth 2013 Permalink

      Edrychaf innau ymlaen at y blogiad hefyd (fel perchennog Android chwerw arall….. ;-) )

      Falle dan ni’n trafod graddfa, a ‘chynnyrch’ (a chyllid) cwbl wahanol fan hyn, ond difyr yw darllen polisi gov.uk am gynhyrchu apps: We’re not ‘appy. Not ‘appy at all.

    • Carl Morris 10:45 AM on 15 Mawrth 2013 Permalink

      Gofyn oeddwn i, chwerw dw i ddim! :-)

      Ie gwelais i’r cofnod am aps gov.uk – mae’r sefyllfa ychydig yn wahanol i deledu achos maent yn sôn am ddarpariaeth o wasanaethau fel iechyd. Ond mae’r egwyddor yn bwysig – mae angen ystyried lle mae’r rhan fwyaf o ddefnyddwyr!

← Older posts

c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
esc
cancel